Sabahdan Novruz tədbirlərinə start verilir - BAKIDA
Cəmiyyət
20:50
17.03.2023
1 540
Novruz bayramı ilə əlaqədar Bakının İçəri Şəhər qalasında "Bayram Qalası" mədəni-etnoqrafik prqramı təqdim olunacaq.
"İçəri Şəhər" Tarix-Mədəniyyət qoruğunun mətbuat xidmətindən verilən məlumata görə, tədbirlər martın 19-da saat 13:00-da başlayacaq və martın 26-da qədər davam edəcək.
Proqram çərçivəsində Qoşa Qala meydanında qurama, rəssamlıq, nano-art, keramika kimi sənətkarların əl işləri nümayiş etdiriləcək, ustad dərsləri keçiriləcək və həmin məhsullardan ibarət yarmarkalar təşkil olunacaq.
Burada həmçinin milli mətbəx nümunələri hazırlanacaq, milli kinolardan kadrlar nümayiş olunacaq.
Səhnədə musiqi ifaçıları çıxış edəcək.
Dənizkənarı Bulvarda da əyləncəli-musiqili proqram nəzərdə tutulub. Burada qurulacaq bayram şəhərciyində xalq yaradıcılığı məmulatları ilə tanış olmaq, milli mətbəx nümunələrinin dadına baxmaq olar.
18-26 mart tarixlərində Kukla Teatrının arxasındakı meydanda animatorların və rəqqasların iştirakı ilə konsertlər, şou-proqram, bayram tamaşaları təşkil olunacaq.
Becan.az
Oxşar xəbərlər
{sape_links}