Özümüzü istənilən çətinlikdən qorumalıyıq - İlham Əliyev
Gündəm
11:09
27.10.2026
140
Özümüzü yarana biləcək istənilən çətinlikdən qorumaq üçün lazımı tədbirlər görməliyik.
Xəbər verilir ki, bunu Azərbaycan Prezidenti İlham Əliyev VII Ümumdünya Mədəniyyətlərarası Dialoq Forumunun açılışında bildirib.
“İqtisadi göstəricilərimizi də qeyd etmək istəyirəm. Xarici borcumuz çox aşağıdır və bu, yəqin ki, dünyada ən aşağı göstəricilərdən biridir. Etibarlı enerji təchizatçısı kimi qlobal enerji bazarında oynadığımız rol, eləcə də xüsusilə bağlantı və nəqliyyat məsələlərinin beynəlxalq gündəliyin əsas mövzularından birinə çevrildiyi indiki dövrdə bu sahədəki mövqeyimiz mühüm əhəmiyyət daşıyır. Burada da xəritəyə nəzər salsanız, xüsusilə müasir infrastrukturu, investisiyaları nəzərə aldıqda, Azərbaycandan yan keçməyin çətin olduğunu görərsiniz. Çünki bağlantı və nəqliyyat sahəsində mühüm rol oynamaq üçün qonşularınızla, həmçinin qonşularınızın qonşuları ilə yaxşı münasibətləriniz olmalıdır. Bizdə də məhz belə bir vəziyyət yaranıb.
Beləliklə, iqtisadi potensialımız, fəal xarici siyasətimiz, inklüziv cəmiyyətimiz, multikulturalizm ənənələrimiz və mədəniyyətlərarası dialoqa sadiqliyimiz birlikdə bizim üçün sinerji yaradır və nikbin olmağımıza əsas verir. Bununla belə, biz proqnozlaşdırılması çətin olan bir dünyada yaşayırıq. Artıq qeyd etdiyim kimi, münaqişələr başlayır, lakin onlara son qoyulmur. Buna görə də potensial risklərə qarşı daim diqqətli olmalı və özümüzü yarana biləcək istənilən çətinlikdən qorumaq üçün lazımı tədbirlər görməliyik”, - deyə dövlət başçısı qeyd edib.
Becan.az
Oxşar xəbərlər
{sape_links}