Haqqımızda

Saytın başlıca amacı dövlətçilik maraqlarını, xalqın milli-mənəvi dəyərlərini qorumaq və cəmiyyəti daha çox ehtiyac duyduğu sahələr üzrə məlumatlandırmaqdır. Hazırda XXI əsrdə yaşayırıq və bu texnologiyalar əsrində ölkəmiz dünyaya sürətli inteqrasiya yolu tutmaqla, inkişaf mərhələsinin yüksək dərəcələrini hədəf seçib. Təbii olaraq, azad və inkişaf etmiş cəmiyyətlərdə mütləqdir ki, insanlar informasiya qıtlığı çəkməsinlər, yaşadıqları mühitdə baş verən proseslərin məğzindən xəbərdar olsunlar. Cəmiyyəti bütün bunlarlarla təmin etməksə, əsasən mətbuat nümunələrinin borcudur. Bu mənada, BECAN.AZ onlayn qəzeti oxucularını həm obyektiv informasiyalarla, həm də müxtəlif məzmunlu özəl yazılarla, məqalələrlə daimi şəkildə təmin etməyi hədəfləyir.

BECAN.AZ saytı peşəkarlıq səviyyəsini daim artırmaqla da oxucuların diqqətini cəlb etməyi qarşısına öhdəlik qoyur. Saytın kollektivi və əməkdaşlığa qəbul ediləcək hər kəs “Jurnalistlərin Peşə Etikası Kodeksi”ndən xəbərdar olmalı, öz vəzifəsinə hörmətlə yanaşmalı, missiyasını vicdanla, dəqiq, tərəfsiz həyata keçirtməli və aşağıdakı hikməti birdəfəlik beyninə həkk etməlidir:
“Jurnalistlərin xəbər kimi təqdim etdikləri informasiya dürüst, rəy kimi təqdim etdikləri informasiya isə vicdanlı olmalıdır. Bu formula kiminsə xoşuna gəlib, kimisə kədərləndirə bilər, lakin əsl jurnalistikanı başqa şeylərdən, o cümlədən “çirkablı” informasiya texnologiyalarından fərqləndirən də məhz budur.”
BECAN.AZ dünyada və ölkədə gerçəkləşən olayların, cəmiyyət ücün vacib sayılan bütün mövzuların ictimailəşməsinə, təhlillərin və müzakirələrin aparılmasına şərait yaradır, istənilən qurumlarla, şəxslərlə əməkdaşılıq etməyə hazır olduğunu bildirir.

Təsisçi və baş redaktor: Seymur Əhməd (İsayev)