Goranboya yağan dolu avtomobillərə ziyan vurub

Respublikanın bəzi ərazilərinə dolu düşüb.

APA-nın yerli bürosunun məlumatına görə, bu gün günorta saatlarında Goranboyun Muzdular və bir neçə kəndinə dolu yağıb.

10 dəqiqəyə yaxın davam edən doludan sonra leysan yağış yağıb.

Təbiət hadisəsi zamanı rayonun Gülməmmədli kənd sakini Ümid Vəliyevə məxsus minik avtomobili yararsız hala düşüb.

Bunda başqa dolu hərəkətdə olan bir neçə avtomobilə ziyan vurub. Dolunun təsərrüfata ziyan vurması barədə məlumat yoxdur.

Hazırda qərb bölgəsini əhatə edən rayonlarda yağışlı hava şəraiti davam edir.