"Bizi it kimi hürdürür, zorlamaqla hədələyirlər" - Həbsxanada dəhşət

Rusiyanın Kemerovo vilayətində məhbuslar Ukraynaya müharibəyə getməkdən imtina etdikləri üçün işgəncələrə məruz qalır və zorlanma ilə hədələnirlər.

Bakupost.az xəbər verir ki, bu barədə Kemerovo vilayətindəki 41 saylı islah düşərgəsinin (İD-41) məhbuslarından biri Gulagu.net insan haqları layihəsinə bildirib.

O qeyd edib ki, iyulun 3-də “rejim yaratmaq” üçün koloniyaya gələn Rusiya hüquq-mühafizə orqanlarının bir qrup əməkdaşı onlardan müharibəyə getməyi tələb edib. Məhbuslar bundan imtina etdiklərinə görə onların qasıq nahiyəsinə elektrik cərəyanı veriblər:

"Eləcə də bizi it kimi gəzib hürməyə məcbur edir, döyür, təhqir edir və rezin dəyənəklə zorlayacaqları ilə hədələyirlər".