İranda etirazçılara təzyiqlər artırılır

İranda ötən il əxlaq polisi tərəfindən öldürülən 22 yaşlı Məhsa Əmininin ailəsinə dəstək verən 56 vəkil məhkəməyə çağırılıb.

Bu barədə “Azad İran” Teleqram kanalı məlumat yayıb.

“Hengaw” İnsan Haqları Təşkilatının açıqlamasına görə, Qərbi Azərbaycan əyalətinin Bukan şəhər İnqilab Məhkəməsi dünən vəkillərə bildiriş göndərib.

Onlardan 5 gün ərzində məhkəməyə gedib izahat vermələrini tələb edib.

Qeyd edək ki, Məhsa Əmini ötən il 16 sentyabr tarixində hicab bəhanəsi ilə İranın əxlaq polisi tərəfindən öldürülüb. Bu hadisədən sonra ölkədə iğtişaşlar baş verib. 23 sentyabr 2022-ci il tarixinə qədər ən azı 50 etirazçı öldürülüb.

Etirazlara cavab olaraq, İran hökuməti etirazları yatırmaqla yanaşı, etirazçıların təşkilatlanma qabiliyyətini azaltmaq üçün “İnstagram” və “WhatsApp” kimi proqramlara girişi və interneti məhdudlaşdırıb.

Becan.az