Paşinyandan Qarabağdan köçən soydaşlarına yeni vəd

"Qarabağdan köçən qardaş və bacılarımız üçün prioritet xərcləri qarşılamaq məqsədilə yeni maliyyə yardımı proqramına başlayırıq".

Bu barədə Ermənistanın Baş naziri Nikol Paşinyan Feysbuk səhifəsində paylaşım edib.

“Noyabr və dekabr ayları ərzində yaşayış və kommunal xərclər üçün nəzərdə tutulmuş vəsaitdən əlavə dövlət büdcəsindən hər bir şəxsə 50 min dram (təxminən 120 dollar) ayrılacaq. İstisna bank hesabında müəyyən həddi aşan, dövlət tərəfindən təmin edilmiş sığınacaqlarda yaşayan və ya dövlət qayğısı altında olan şəxslər və onların ailə üzvləri olacaq”, - o, bildirib.

Paşinyan qeyd edib ki, Qarabağdan köçənlərin uzunmüddətli mənzil təminatı məsələlərini müzakirə etməyə başlayacaqlar:

“Ümid edirəm ki, Qarabağdan olan “məcburi köçkün” qardaş və bacılarımız yaxın iki ay ərzində Ermənistanda iş tapacaqlar. Təbii ki, hökumət də bu məsələdə mümkün tədbirlərlə kömək edəcək”.

Ermənistan mətbuatı isə qeyd edir ki, dövlətin verdiyi mənzildə məskunlaşan vətəndaşlar pul almayacaq, öz hesabına mənzil kirayə tutanlar isə alacaqlar.

Becan.az