"Şuşaya giriş məhdudlaşdırılacaq" - Məlumat təkzib edildi

Yeni il ərəfəsində Şuşaya giriş məhdudlaşdırılacaq.

Axar.az xəbər verib ki, bayram günlərində (31dekabr – 2 yanvar) fərdi şəkildə (şəxsin adı portalda olsa da) Şuşaya girişə icazə verilməyəcək.

Bildirilib ki, bu məhdudiyyətlər Şuşada Yeni il proqramı çərçivəsində keçirilən tədbirlərlə bağlıdır.

“Şuşa şəhərindəki otellərdə bu il ilk dəfə olaraq Yeni il şənlikləri keçiriləcək. Buna görə də Şuşada fəaliyyət göstərən otellər bayram paketlərini elan ediblər. Yeni ili Şuşada qarşılamaq istəyənlər yalnız tur paketlər almalıdırlar”, - məlumatda qeyd edilib.

Xatırladaq ki, bayram günlərində Şuşada Yeni il şənliyi, atəşfəşanlıq, müxtəlif musiqi və şou proqramlar təşkil olunacaq.

Lakin Şuşa şəhərinə gişə qadağa qoyulması ilə bağlı KİV-də yayılan məlumatı Azərbaycan Respublikası Prezidentinin Şuşa Rayonunda xüsusi nümayəndəliyi təkzib edib.

Nümayəndəlikdən bildirilib ki, Şuşa şəhərinə giriş-çıxış, hər zaman olduğu kimi, müvafiq prosedur qaydalarına uyğun olaraq həyata keçirilir və heç bir məhdudiyyət qoyulmayıb.

Becan.az