Manşet / Kriminal / Dünya
12:47
14.07.2024
784
ABŞ prezidentliyinə namizəd Donald Trampın mitinqdəki çıxışı zamanı atəş açılıb.
Xarici mətbuata istinadən xəbər verilir ki, hadisə eks-prezidentin Pensilvaniyada keçirilən çıxışı zamanı baş verib. Görüntülərdə atəş səslərinin eşidildiyi, Trampın qulağından zədələndiyi əks olunub.
Sabiq prezidentin sözçüsü Stiven Çun Donald Trampa qarşı uğursuz sui-qəsd cəhdindən sonra vəziyyətinin yaxşı olduğunu açıqlayıb.
Sui-qəsd zamanı mitinq iştirakçılarından bir nəfərin həlak olduğu bildirilir.
“The Washington Post” nəşrinin məlumatına görə, ona atəş açan şəxs polis tərəfindən zərərsizləşdirilib.
ABŞ-ın hazırki prezidenti Co Bayden Ağ Evin keçmiş rəhbəri Donald Trampla telefon danışığı aparıb. Lakin iki siyasətçinin telefon danışığının təfərrüatları barədə məlumat verilmir.
Becan.az