Elşad Miri "Qəbir əzabı yoxdur" deyir... - Reaksiya
Din
10:22
8.03.2025
882
İlahiyyatçı Elşad Miri yenidən islam dinində qəbir əzabının olmadığını iddia edib. Onun açıqlaması ictimaiyyətdə birmənalı qarşılanmayıb. Reallıq necədir? İslamda qəbir əzabı varmı?
Qafqaz Müsəlmanları İdarəsi Qazılar Şurasının üzvü Rüfət Qarayev bu barədə Globalinfo.az-a açıqlamasında bu cür fikirlərin hər zaman olduğunu bildirib.
"Qiyamətə qədər belə insanlar ortaya çıxacaq. Həmin düşüncələrlə cəmiyyətdə müxtəlif çaşqınlıq yaradacaqlar. Təbii ki, elmi olan, Qurandan möhkəm yapışan biri heç vaxt buna getməyəcək. Lakin bütün hökmlər Quranda mövcud deyil. Bəzi məsələlərdə orada şifrəli hərflər var ki, onu Allah və rəsulu bilər. Məsələn, müəyyən ayədə namaz qılmaq buyurulub, amma forması qeyd edilmir. Onu isə bizə Allah rəsulunun hədisləri açıqlayır", - o, vurğulayıb.
İlahiyyatçı qeyd edib ki, qəbir əzabının modeli, forması da bilinmir:
"Amma xanım Xədicənin (ə) belə bundan qorxduğunun şahidi oluruq. O, "Ey Allahın rəsulu, səndən yalnız bir şey istəyirəm, o da əbandır. Dünyadan köçəndə məni o əbaya büksünlər, qəbir əzabından çox qorxuram", deyirdi. Peyğəmbərin xanımı belə qəbir əzabından danışıb. Belə fikirlər də var ki, insan birdən suda boğulub, cəsədi tapılmayıb və ya odda yanıbsa, necə olacaq?! Təbii ki, Allaha heç nə çətin deyil. Bir insana əzab vermək istəyirsə, suya, oda, havaya və sair əmr edər və onlar insanı sıxar. Allaha tam inanan insanın imanında şübhə yoxdursa, bu kimi məsələlərdə də ixtilafa düşməz, düşüncəsini fərqli istiqamətlərə aparmaz".
Oxşar xəbərlər
