Prezidentə müraciət edən dublyaj aktyoru işdən çıxarılıb

Fevralın 13-də bir sıra televerilişlərin aparıcısı, dublyaj aktyoru Yaşar Kamal işdən çıxarılıb.

Bu barədə o, öz Facebook səhifəsində yazıb:

"Televiziyada müəllifi və aparıcısı olduğum veriliş dayandırıldı! Bu, məhz, bu gündə, milli televiziyanın yarandığı tarixdə baş verdi. Təşəkkür edirəm...".

İki gün əvvəl aktyor Facebook səhifəsində prezident İlham Əliyevə müraciət ünvanlayaraq, dublyaj aktyorlarının vəziyyətinin ağır olmasından gileylənib və onlara kömək etməyi xahiş edib.

Göründüyü qədər, ölkə rəhbərliyinə olan bu müraciəti çalışdığı televiziya rəhbərliyi daha tez qiymətləndirib.

Qeyd edək ki, aktyor müxtəlif dövrlərdə "İTV", "ARB", "Space", "Radio 101 fm" və digər teleradio kanalları ilə əməkdaşlıq edib.


Becan.az