Futbol millimizin baş məşqçisi Azərbaycandan getmək istəyir - AÇIQLAMA

Millimizin baş məşqçisi Canni De Byazi yığmamızla Avro-2024-ün seçmə oyunlarından sonra başa çatacaq müqaviləsinin müddətini uzatmayacaq.

Bu barədə italiyalı mütəxəssis ölkəsinin "Radio Crc" radiosuna açıqlamasında deyib.

O, Azərbaycandan kənarda oynayan 4 futbolçusunun olduğunu bildirib:

"Bir oyunçumu (Anton Krivotsyuk nəzərdə tutulur-red.) izləmək üçün Cənubi Koreya çempionatına baxdım. Bu çempionat çox gözəldir. Çünki azarkeşlərin çılğın dəstəyi var. Mahir Emreli yaxşı keyfiyyətlərə malikdir, amma yenə də onlardan yaxşı istifadə edə bilmir".

De Byazi növbəti matçda 20 yaşlı qapıçı (Yusif İmanov-red.) oynadacağını söyləyib:

"Çünki artıq qapıçılarım yoxdur. Onun yaxşı bacarığı var və düşünürəm ki, əgər bir oyunçu gənc də olsa, özünü sübut etsə, ona şans vermək düzgündür".

O, millimizin ardıcıl 5 oyunda qalib gəlməsi haqda da danışıb:

"Məndən əlimdən gələni etməyimi istədilər, ardıcıl 5 oyunda qalib gəldik və məncə, bu, qeyri-adi hadisədir. Düşünürəm ki, müqavilə müddəti bitəndən sonra, onu daha uzatmayacağam".

Qeyd edək ki, AFFA De Byazi ilə ötən ilin sentyabrın 30-u başa çatan müqavilənin müddətini daha bir seçmə mərhələ müddətinə uzadıb. Mütəxəssis 2020-ci ilin iyulundan Azərbaycan millisini çalışdırır.

Becan.az