Polisə “telefonumu ver, papağını verim”, - deyən sürücü həbs edildi

Bakıda polisin papağını alıb, protokolu ləğv etməyi tələb edən sürücü həbs olunub.

Hadisə 06 aprel 2023-cü il tarixdə, saat 11 radələrində Bakı şəhəri, Nəsimi rayonu, R.Behbudov və Bakıxanov küçələrinin kəsişməsində baş verib.

Belə ki, , “Toyota Prius” markalı, **-PF-*** dövlət qeydiyyat nişanlı avtomobil ilə taksi fəaliyyəti göstərən Adili (şərti) sözügedən yolun kəsişməsində yol-patrul xidmətinin əməkdaşı saxlayaraq, taksi kimi fərqlənmə nişanından istifadə etmədiyi və dönərkən dönmə nişanını yandırmadığı bildirib.

Bundan narazı qalan sürücü əvvəlcə “102” xidmətinə zəng vurub və daha sonra telefonu ilə polis əməkdaşının xidməti avtomobilinin şəkilini çəkib.

Polis əməkdaşı da ona telefondan şəkili silinməsini tələb edib. Onun telefonun əlindən alıblar.

Bu zaman Adil də əsəbləşərək, polis əməkdaşının papağını alıb və ondan telefonunun geri qaytarılmasını istəyib. “Telefonumu ver, papağını verim. Əks halda verməyəcəm”, - deyə, inad edib.

Sonradan sürücü polisə qarşı səhv etdiyini anlayıb, papağı qaytarıb və ondan üzr istəyib.

Sürücü məhkəmədən ilk dəfədir ki, belə bir hərəkətə yol verdiyini, himayəsində xəstə uşağının olmasının nəzərə alınmasını xahiş edib.

Məhkəmə Adəmi İnzibati Xətalar Məcəlləsinin 535.1-ci maddəsində nəzərdə tutulmuş əməlin törədilməsində təqsirli bilərək, ona 10 gün müddətinə inzibati həbs tətbiq edib.(32gun.az)