Sudanda ordu xüsusi təyinatlıların bazalarını ələ keçirib

Sudan ordusu ölkənin yeddi yaşayış məntəqəsində, o cümlədən, ştatların beş inzibati mərkəzində çevik reaksiya qüvvələrinin (xüsusi təyinatlıların) baza və qərargahlarına nəzarəti ələ keçirib.

Bu barədə Sudan Silahlı Qüvvələrinin Baş Komandanlığı məlumat yayıb.

Qeyd olunub ki, xüsusi təyinatlıların döyüşçüləri bütün texnika və silahlarını ataraq, qaçıblar.

Təkcə Sudanın ikinci böyük şəhəri Omdurmanda ordu ilə xüsusi təyinatlılar arasında baş verən toqquşmalarda 24-ü mülki şəxs olmaqla 29 nəfər ölüb. Xartum şəhərində isə 25 nəfər həlak olub, 302 insan yaralanıb.

Bundan əvvəl Sudanda xüsusi təyinatlı qüvvələrlə ordu birləşmələri arasında toqquşmalarda ölənlərin sayının 56 nəfər olduğu açıqlanmışdı.(Report)