Lotu Qulinin “Küd Amo”su öldürüldü

Kriminal aləmdə "Kürd Amo" kimi tanınan Əhməd Ərəbov öldürülüb.

Xəbər verilir ki, hadisə Goranboy rayonu ərazisində baş verib.

Yayılan məlumatlara əsasən, “Kürd Amo” “qanuni oğru” Lotu Qulinin əsas tərəfdarlarından biri kimi tanınırdı. Son illərdə həyatına təhlükə olduğundan, onun Bakıdan uzaqlarda yaşadığı bildirilir. Buna görə də hadisənin kriminal qruplaşmalar arasındakı düşmənçiliklə əlaqəli olduğu ehtimal olunur.

Lakin araşdırmalara görə, “Kürd Amo” uzaq qohumu tərəfindən öldürülüb. Belə ki, onun hadisədən bir gün əvvəl Tarzan Salmanov adlı şəxslə əkin sahəsində mübahisəsi olduğu bildirilir. Ayın 16-da “Kürd Amo” mübahisəni davam etdirmək üçün idarə etdiyi avtomobillə rayonun Veyisli kəndi ərazisində onun qarşısını kəsib. Avtomobildən düşərək, "Kürd Amo"nun ona tərəf irəlilədiyini görən T.Salmanov idarə etdiyi “Ford” markalı avtomobilini onun üzərinə sürərək, üstündən keçib. Əhməd Ərəbov yerindəcə vəfat edib. Tarzan Salmanov hadisə yerindən qaçsa da, bir neçə saat sonra saxlanılıb.

Qeyd edək ki, “Kürd Amo” 2021-ci ildə Cinayət Məcəlləsinin 234.4.3-cü (külli miqdarda narkotik maddə əldə etmə və satma) maddəsi ilə 2 il müddətinə həbs olunub. O, daha əvvəl dəfələrlə məhkumluq həyatı yaşayıb.

Vurğulayaq ki, "Kürd Amo"nun "Lotu Quli"nin yaxın ətrafında olan kriminal avtoritetlərdən biri olduğu deyilir.(Bakupost.az)