Ermənistanda əcnəbi "şərab" içdi və öldü...

Bir neçə gün əvvəl İrəvanın Zvartnots hava limanında faciəli hadisə baş verib.

Xəbər verilir ki, bu barədə “Hraparak” nəşri məlumat yayıb.

Bildirilib ki, Dövlət Gəlirləri Komitəsinin Gömrük Xidmətinin əməkdaşları Braziliyadan Ermənistana uçan sərnişinin əlində şüşəni görüb və orada nə olduğunu soruşublar. Braziliyalı “Şərab” deyə cavab verdikdən sonra şüşənin içindəkiləri yoxlamaq əvəzinə, erməni gömrükçülər braziliyalını butulkadakını içməyə məcbur edib. Sərnişin tələbi yerinə yetirəndən sonra halı qəfil pisləşib və bir neçə dəqiqədən sonra ölüb.

Məlum olub ki, butulkada narkotik maddə olub.

Ermənistan DİN faktı təsdiqləyib və Cinayət Məcəlləsinin “qətl” maddəsinin 1-ci hissəsi ilə cinayət işi başlandığını bildirib.

Becan.az