Radarlardan itən Rusiya təyyarəsindəki bütün heyət ölüb

Rusiyada içərisində 49 nəfərin olduğu An-24 tipli sərnişin təyyarəsi radarlardan itib.


Xəbər verilir ki, bu barədə Rusiya KİV-i məlumat yayıb.

Məlumata görə, “Anqara” aviaşirkətinə məxsus təyyarə Xabarovsk – Blaqoveşensk – Tında marşrutu üzrə uçuş həyata keçirərkən radarlardan itib və ş onunla əlaqə qurmaq mümkün olmayıb.

Amur vilayətinin qubernatoru Vasili Orlovun verdiyi məlumata əsasən, təyyarənin göyərtəsində 43 sərnişin, o cümlədən 6 ekipaj üzvü olub.

İtkin düşmüş təyyarənin axtarışlarına Mi-8 helikopteri və yerüstü axtarış-xilasetmə qrupları cəlb olunub.

Son məlumata görə, təyyarə qəzaya uğrayıb və 43 sərnişin, eləcə də 6 ekipaj üzvünün hamısı ölüb.

Bu barədə Rusiya Fövqəladə Hallar Nazirliyindən bildirilib.

Təyyarənin qalıqları Tındadan 15 km məsafədə aşkar edilib.

Qurum əlavə edib ki, təyyarə düşdükdən sonra yanıb.

Axtarış helikopteri Mi-8, ətrafdakı sıx meşəlik səbəbindən yanan təyyarənin yaxınlığına eniş edə bilməyib. Hadisə yerinə piyada axtarış-xilasetmə qrupu yola düşüb.

Becan.az