Ağsu RİH başçısı aparatında növbəti vətəndaş qəbulları keçirilib.
Becan.az xəbər verir ki, bu barədə qurumun rəsmi internet sahəsində məlumat yerləşdirilib.
Məlumatda bildirilir ki, Ağsu Rayon İcra Hakimiyyətinin başçısı Rövşən Bağırov martın 3-də qəbula yazılan şəhid ailələrini, vətən müharibəsi qazilərini, veteranları və bir qrup rayon sakinini fərdi qaydada qəbul edərək, onları narahat edən məsələlərlə yaxından tanış olub, müraciət və təkliflərini dinləyib:
"Vətəndaşların müraciətlərinin qısa müddətdə araşdırılaraq zəruri tədbirlər görülməsi üçün qəbulda iştirak edən məsul vəzifəli şəxslərə müvafiq tapşırıqlar verilib. Vətəndaşlar tərəfindən qaldırılan məsələlərin bir qismi yerində həll olunub, bəzi müraciətlərlə bağlı müvafiq izahat verilib, araşdırılmasına ehtiyac olan müraciətlər nəzarətə götürülüb.
Rayon sakinləri müraciətlərinə baxılması üçün rahat və əlverişli şərait yaradılmasından razılıqlarını ifadə edərək göstərilən diqqət və qayğıya görə minnətdarlıqlarını bildiriblər".