Güneyli yazıçı və tədqiqatçı vəfat edib

Güney Azərbaycanın tanınmış yazıçı və tədqiqatçısı Vəli Rai Şücai (Arazlı) vəfat edib.

Bu barədə “GunAzTV” məlumat yayıb.

Bildirilib ki, o, 1958-ci ildə Güney Azərbaycanın Culfa rayonunun Şüca kəndində dünyaya gəlib. Vəli Rai Şücai uzun illər müəllim işləyib. O, Güney Azərbaycanın bir sıra yazıçı, şair və sənət adamlarının əsərlərinin tədqiq və nəşrinə nail olub.

Vəli Rai Şücai "Dünəndən bu günə Culfa", "Çaldıran savaşı", "Koroğlu əfsanəsi" kitablarının müəllifidir.

Onun xərçəng xəstəliyindən vəfat etdiyi vurğulanıb.