Türkiyədə Millət Məclisinə yeni sədr seçilib

Türkiyənin iqtidarda olan Ədalət və İnkişaf Partiyasının (AK Parti) sədr müavini Numan Kurtulmuş Türkiyə Böyük Millət Məclisinin sədri seçilib.

Xəbər verilir ki, sədrin adı Türkiyə Böyük Millət Məclisində səsvermədən sonra açıqlanıb.

Qeyd edək ki, hakim Ədalət və İnkişaf Partiyası və Milliyyətçi Hərəkat Partiyası bu posta Numan Kurtulmuşun, Cümhuriyyət Xalq Partiyası Tekin Bingölün, İyi Partiya isə Cihan Paçacının, DEVA Partiyası Mustafa Yeneroğlunun və Gələcək Partiyası Serap Yazıcı Özbudunun namizədliyini irəli sürmüşdü.

TBMM sədrliyini bundan öncə Mustafa Şentop icra edib.

Becan.az