"Azərbaycanın dərman bazarında ciddi monopoliya var"
Cəmiyyət
17:35
23.06.2023
961
"Azərbaycanda satılan dərman vasitələrinin qiyməti qonşu və digər ölkələrlə müqayisədə 3-5 dəfə baha olur. Bazarda ciddi monopoliya var".
Bunu mətbuata açıqlamasında iqtisadçı Xalid Kərimli bildirib.
O, qeyd edib ki, müxtəlif adda xeyli apteklər olsa da, dərmanı bazara gətirən oyunçular məhdud saydadır:
"Onlar bu məhsulları ölkəyə razılaşdırılmış, baha qiymətə daxil edirlər. Monopolistlər istədikləri qiyməti çox rahat şəkildə qoyurlar. Bu məsələ ilə bağlı vətəndaşların ciddi narazılığı mövcuddur. Apteklərin sayı çox olsa da, onların hamısı konkret topdansatış firmalardan asılıdırlar. Həmin firma sahibləri də güclü hakimiyyət və əlaqələrə malikdir”.
X.Kərimli bildirib ki, dərman vasitələri ilə bağlı tənzimləmələr mövcud problemləri aradan qaldıra bilər:
“Yeni qadağalar dərman bazarında at oynadan monopolistlərin haqsız qiymət siyasəti üzərində dövlət nəzarəti formalaşdıracaq. Bu tənzimləmələr vəziyyəti yaxşılaşdıra bilər. Ona görə “bilər” deyirəm ki, müvafiq orqanlar düzgün fəaliyyət göstərməsə, heç bir nəticə əldə olunmayacaq. Bütün bunlar müvafiq dövlət orqanının necə işləyəcəyindən asılıdır”.
Becan.az
Oxşar xəbərlər
