Nikah sayı azalır, boşanma sayı artır

Dövlət Statistika Komitəsi (DSK) 2023-cü il iyulun 1-nə Azərbaycanda mövcud olan demoqarfiq göstəriciləri açıqlayıb.

Həmin tarixə ölkə əhalisinin sayı 10 151 517 nəfər olub.

Şəhər əhalisi 54,6%, kənd əhalisi 45,4%, kişilər 49,8%, qadınlar 50,2% təşkil edir.

Orta hesabla hər 1000 kişiyə 1010 qadın düşür.

Bu ilin yanvar-iyul aylarında 53918 uşaq, yəni əhalinin hər 1000 nəfərinə 10,7 uşaq doğulub.

Doğulanlar arasında oğlanlar 53,2 faiz, qızlar isə 46,8 faiz təşkil edib.

Doğulanlardan 1580-i əkiz, 75-i üçəm, 4-ü dördəm olub.

2023-cü ilin altı ayı ərzində qeydiyyat şöbələri tərəfindən 24 146 nikah və 10 631 boşanma qeydə alınıb.

Dövlət Statistika Komitəsindən verilən məlumata görə, əhalinin hər 1000 nəfərinə nikahların sayı 5,8-dən 4,8-ə azalıb, boşanmaların sayı isə 1,5-dən 2,1-ə yüksəlib.

Becan.az