Seyran Səxavət: “Sənətkar xalqı sənəti ilə sevindirməlidir”
Manşet / Gündəm
20:58
17.08.2023
980
"Milli Məclisdə salonla bir deputat var... Onlar nədən ötrüdür?!."
"Sənətkarların xalqın problemini Prezidentə çatdırmaq kimi bir öhdəliyi yoxdur”.
Bu sözləri açıqlamasında yazıçı Seyran Səxavət deyib.
O, Xalq artisti Rasim Balayevin Prezident İlham Əliyevlə görüşündən sonra onunla bağlı yaranan tənqidi müzakirələrə, habelə, sənət adamlarına qarşı sosial şəbəkələrdə səsləndirilən fikirlərə münasibət bildirib.
Xatırladaq ki, R.Balayev xalqın problemlərini dövlət başçısına çatdırmamaqda ittiham olunur. Sosial şəbəkələrin Azərbaycan seqmentində sənətkarı şahpərəstlikdə ittiham edənlərin sayı isə çoxdur. Lakin digər bir kəsim sənətkara qahmar çıxaraq, məhz əhalinin problemləri ilə sənətkarın yox, millət vəkillərin maraqlanmalı olduğunu dilə gətirir.
S.Səxavət isə hesab edir ki, sənətkar poeziya ilə məşğuldursa, o, sənəti ilə xalqını sevindirməli, onun qəlbinə girməli və sevimlisinə çevrilməlidir:
“Bu gün Milli Məclisdə salonla bir deputat var. Adamdan soruşarlar ki, bəs onlar nədən ötrüdür?! Mən bu günə qədər 7 roman yazmışam. Tutaq ki, mən durub indi siyasətlə məşğul olum, vaxtmı siyasətə hər edim, onda mənim yazdığım romanları kim yazacaq?! O deputatlar?! Necə?!”
“Ona görə də zəhmət çəkib o tribunadan sözlərini desinlər. Onsuz da hərə öz yerində olanda güclü olur, səsi daha yaxşı eşidilir. Götürək şahmatı, orada hər fiqurun öz yeri var. Şahla vəziri qarışıq qoysan, heç oyun da alınmaz. Odur ki, hərənin öz işi olmalıdır. Şəxsən mən əsl sənət adamının siyasətə qoşulmasını ağılsızlıq hesab edirəm. Yeri gəlsə, nələrsə söyləmək olar, fikrini bildirmək olar. Amma durub siyasətə qoşulsun, özünü buna həsr etsin. Xeyr, razı deyiləm”, - deyə, yazıçı vurğulayıb.(Yenisabah.az)
"Sənətkarların xalqın problemini Prezidentə çatdırmaq kimi bir öhdəliyi yoxdur”.
Bu sözləri açıqlamasında yazıçı Seyran Səxavət deyib.
O, Xalq artisti Rasim Balayevin Prezident İlham Əliyevlə görüşündən sonra onunla bağlı yaranan tənqidi müzakirələrə, habelə, sənət adamlarına qarşı sosial şəbəkələrdə səsləndirilən fikirlərə münasibət bildirib.
Xatırladaq ki, R.Balayev xalqın problemlərini dövlət başçısına çatdırmamaqda ittiham olunur. Sosial şəbəkələrin Azərbaycan seqmentində sənətkarı şahpərəstlikdə ittiham edənlərin sayı isə çoxdur. Lakin digər bir kəsim sənətkara qahmar çıxaraq, məhz əhalinin problemləri ilə sənətkarın yox, millət vəkillərin maraqlanmalı olduğunu dilə gətirir.
S.Səxavət isə hesab edir ki, sənətkar poeziya ilə məşğuldursa, o, sənəti ilə xalqını sevindirməli, onun qəlbinə girməli və sevimlisinə çevrilməlidir:
“Bu gün Milli Məclisdə salonla bir deputat var. Adamdan soruşarlar ki, bəs onlar nədən ötrüdür?! Mən bu günə qədər 7 roman yazmışam. Tutaq ki, mən durub indi siyasətlə məşğul olum, vaxtmı siyasətə hər edim, onda mənim yazdığım romanları kim yazacaq?! O deputatlar?! Necə?!”
“Ona görə də zəhmət çəkib o tribunadan sözlərini desinlər. Onsuz da hərə öz yerində olanda güclü olur, səsi daha yaxşı eşidilir. Götürək şahmatı, orada hər fiqurun öz yeri var. Şahla vəziri qarışıq qoysan, heç oyun da alınmaz. Odur ki, hərənin öz işi olmalıdır. Şəxsən mən əsl sənət adamının siyasətə qoşulmasını ağılsızlıq hesab edirəm. Yeri gəlsə, nələrsə söyləmək olar, fikrini bildirmək olar. Amma durub siyasətə qoşulsun, özünü buna həsr etsin. Xeyr, razı deyiləm”, - deyə, yazıçı vurğulayıb.(Yenisabah.az)
Oxşar xəbərlər
