Vaqif Sultanlının yeni kitabı İngiltərədə yayınlanıb

Bu günlərdə yazıçı Vaqif Sultanlının “İnsan dənizi” və “Ölüm yuxusu” (The
Human Sea &The Dream of Death) romanlarından ibarət kitabı Londonda nəşr
edilib.

Tanınmış ingilis yazarı və ədəbiyyat araşdırıcısı Dr.Maykl Brannokun
redaktəsi ilə yayınlanmış kitab Böyük Britaniyanın “Rossendale Books” nəşriyyatı
tərəfindən “Modern dünya nəsri” seriyası ilə oxucuların ixtiyarına verilib.

Qeyd edək ki, “İnsan dənizi” və “Ölüm yuxusu” romanları müəllifin dünya
oxucularına təqdim olunan ilk kitabı deyil. Belə ki, yazıçının hər iki romanı,
həmçinin hekayələr toplusu müxtəlif dövrlərdə dünyanın bir sıra dillərinə
çevrilərək İngiltərə, Amerika, Almaniya, Danimarka, Türkiyə, Rusiya, Ukrayna,
Misir, İran, Özbəkistan və başqa ölkələrdə nəşr olunub.

Vaqif Sultanlının yeni kitabına daxil edilmiş “İnsan dənizi” və “Ölüm
yuxusu” romanlarını birləşdirən ümumi cəhət onların mənəvi-əxlaqi ovqata
köklənərək yazılması, mövzu-problem və ideya baxımından aktuallığı, çağdaş
dünyaya hakim olan ədalətsizliyə, insan taleyinə münasibətdə müşahidə edilən və
getdikcə dərinləşməkdə olan özgələşmə, yaddaşsızlaşma, biganələşmə,
gərəksizləşmə probleminə etiraz ruhu ilə seçilməsidir.

Becan.az