Rəşid Behbudovun ölümünə səbəb olan foto - Şahid danışır

10:51 11.06.2024 546
Rəşid Behbudovun ölümünə səbəb olan foto - Şahid danışır

Azərbaycanın və SSRİ-nin xalq artisti, Dövlət mükafatı laureatı Rəşid Behbudovun qızı Rəşidə Behbudova müsahibəsində atasının 35 il öncə kasetə görə öldürüldüyünü bildirib. Onun sözlərinə görə, həmin lentdə Qorbaçovun həyat yoldaşının iştirakı ilə Dağlıq Qarabağ (keçmiş - red.) barədə bəzi qərarlar olub. Bundan başqa, sənətkarın Hindistanda ikən Stepan Şaumyanın məzarını gördüyünü və bunu ictimailəşdirməyə çalışdığını bildirib.

Politoloq Cümşüd Nuriyev Globalinfo.az-a açıqlamasında həmin vaxt Rəşid Behbudovun bəzi məlumatları yaymağa çalışdığını bildirib.

“1989-cu ildə Qarabağ Komitəsində çalışırdım. Rəşid Behudov komitəyə sədrin – Bayram Bayramovun yanına gəlmişdi. O, həmin zaman Hindistandan qayıtmışdı. Onlar səfərdə olanda tərcüməçi ona Stepan Şaumyanın yaxınlarda dünyasını dəyişdiyini və qəbrinin məhz Hindistanda olduğunu deyib. Bunu eşidən R.Behbudov gedib onun qəbrini lentə alıb. Bunu Təhlükəsizlik orqanlarına dərhal xəbər vermişdilər. Çünki Şaumyanın qəbrini ermənilər tamamilə gizli saxlamağa çalışırdılar”, - deyə, o, söyləyib.

Politoloq deyib ki, ermənilər Şaumyanın vəhşiliyini gizlətmək üçün əllərindən gələni ediblər:

“Hətta, ermənilərin Şaumyanla bağlı izi itirməsi üçün 1965-ci ildə gorbagor Mikoyan Bakıya gəlib. Təsəvvür edin, Şaumyan və 26-larla əlaqəli nə qədər orijinal sənəd var idi, hamısını Birinci katib Vəli Axundovun razılığı ilə yığıb aparıb. Beləliklə, materialın izini tamamilə itirirlər.

Şaumyan Azərbaycanda çox böyük vəhşiliklər törədib. Birmənalı şəkildə Bakı qırğınlarının müəlliflərindən biridir, Şamaxıda, Qubada baş verən qırğınlarda əli var. Çünki Lalayan onun “sağ əli” olub.

Qayıdaq kaset məsələsinə…

Rəhmətlik Rəşid Behbudov lentə aldığı görüntüləri gətirəndə dedik ki, bunu mətbuatda yayaq, beləliklə səni qorumuş olacağıq. Doğrudan da material yayıldıqdan sonra onun təhlükəsizliyi təmin olunacaqdı. Hətta biz xəbəri “Azərbaycan qəzeti”ndə vermək istəyirdik. Behbudov dərhal razı olsa da, o söhbətdən xəbəri olan kimsə daha tez addım atdı, nəticədə sənətkar öldürüldü. Təəssüf ki, həmin kaseti əldə edə bilmədik”.


Politoloq Stepan Şaumyanın qəbrinin fotosunu gördüyünü deyib:

“O fotonu Rəşid Behbudov bizə göstərmişdi. Dəqiq bilirik ki, videosu da var idi. Getdi həmin görüntüləri gətirməyə, elə onda da öldürdülər. Hətta açıq şəkildə deyirəm ki, Behbudovu ermənilərin əli ilə KQB öldürdü. Qorbaçov da onların ortağı idi. Şaumyan kimi şərəfsizlərdən bizə qarşı ideoloji silah kimi istifadə edirdilər. Açığı, Azərbaycanda onun qohumları da güclü idi”.

Cümşüd Nuriyev həmin gizli kasetdə Dağlıq Qarabağ barədə bəzi qərarların olması məsələsinə toxunub:

“R.Behbudov deyirdi ki, Qorbaçov, həyat yoldaşı və İspaniyada yaşayan erməni milyarder Gülbekyan soyadlı şəxs Aralıq dənizində sualtı qayıqda görüş keçiriblər. Həmin görüşdə Gülbekyan Raisa Maksimovnaya brilyantla bəzədilmiş, qiyməti hələ o vaxt 300 milyon dollar olan paltar (don) hədiyyə edib. Bundan başqa da qızıl dəsti veriblər. Çünki Gülbekyan qızıl satışı ilə məşğul idi. Behbudov bütün bunların hamısının sübut olaraq kasetdə olduğunu desə də, gətirib yaya bilmədi. Daha doğrusu, imkan vermədilər. Təəssüf ki, kaset haqda məlumat necəsə yayılmışdı. Səhv etmirəmsə, dahi sənətkarı bundan sonra zəhərlədilər”.
Oxşar xəbərlər

XƏBƏR LENTİ

14:23

İlham Əliyev “Euronews”a müsahibə verib - FOTO

14:11

Ermənistanın Fələstini tanıması nədənsə İranı tərpətmədi

11:23

Bakı yenə öz aləmindədir - Küçələr gölləndi

21:49

Ruslar Xarkov istiqamətində xeyli itki verib

21:36

16 saylı uşaq bağçasında mənimsəmə - Cinayət işi başlandı

21:29

Netanyahunun müşaviri Ermənistanı hədələdi

14:04

Vəsiqə olmadan avtomobil idarə etməyə görə cərimə iki dəfə artırılır

13:37

Azərbaycanın strateji valyuta ehtiyatı 70 milyarda çatıb

13:25

Davam edən qeyri-sabit hava şəraitinin səbəbi açıqlanıb

13:18

Ərdoğanın Astanadan sonra Şuşa səfəri baş tutacaq

13:11

Milli Məclis Prezidentə müraciət etdi

12:47

Rektorun məmur oğlu işdən çıxarıldı - FOTO

17:35

Doğum evində qazidən tələblə rüşvət alındı - Araşdırma aparılır - VİDEO

17:17

Kəbənin ətrafında fırlanmaqla heç bir xüsusi imtiyaz qazanılmır

17:04

Milli Məclis buraxılır - Növbədənkənar seçki...

14:24

Yağış, dolu, sel...

12:14

Prezidentin adından istifadə edən kibercinayətkar şəbəkə tutulub

12:01

Ərəbistanda 900-dən çox hacılığa namizəd ölüb

19:49

Fransa Ermənistanı silahlandırmaqda davam edir

19:25

Rusiya nümayəndə heyəti iclas zalından çıxarıldı

12:55

Fransanın siyasəti təhdiddən ibarətdir

13:11

Yağış xəbərdarlığı

13:00

Sabir Rüstəmxanlı "Azercell"i tənqid edib

17:40

Jurnalist Ələsgər Məmmədli hospitala köçürüləcək

17:34

Ədliyyə Nazirliyində baş idarə rəisi işdən çıxardıldı

13:40

Ukrayna böhranı dünya liderlərini bir araya gətirir

13:34

İmtahandan kəsilən müəllimlərin diplom aldıqları məktəblər də hədəfdədir

13:25

Ölkə ərazisində istilər artacaq

13:21

İlham Əliyev konfrans iştirakçılarına müraciət edib

13:15

Ermənistanda kütləvi həbslər dalğası başlanıb

22:04

Leysan Kürdəmirdə də fəsadlar törədib

21:59

İldırım Balakəndə yaşayış evini vurub

17:59

Rusiya şərab tədarükünü genişləndirir

17:38

İmtahandan kəsilən müəllimlər yenidən müəllim kimi çalışa bilərlər

Bayrağa bu qədər biganəlik olmaz!
Ağdaş rayonundakı bayraq meydanı viranəni xatırladır - VİDEO