Xamenei təbrikində Pezeşkiana dindar qaynaqlardan faydalanmağı məsləhət gördü

İranın ali rəhbəri Ayətullah Xamenei yeni seçilmiş prezident Məsud Pezeşkianı təbrik edərək, onu çoxsaylı imkanlardan xalqın rahatlığı və ölkənin tərəqqisi üçün istifadə etməyə çağırıb.

Xəbər verilir ki, Xamenei mesajında seçkilərə qatılan bütün namizədlərə və səs verən fəallara da təşəkkür edib.

O deyib ki, seçkilərin təşkilində iştirak edən məmurlar öz vəzifələrini lazımi sürətlə və tam etimadla yerinə yetirdilər.

Ali rəhbərin sözlərinə görə, İran xalqının düşmənləri, insanları ümidsizliyə və çıxılmaz vəziyyətə salmaq üçün, seçkiləri boykot etmək kimi süni hay-küy yaratmaq istəsələr də, buna nail olmadılar:

“İran xalqı öz prezidentini seçdi. Xalqı və seçilmiş prezidenti və bu həssas səhnənin bütün fəallarını təbrik edərək, ölkənin tərəqqisi üçün hər kəsə əməkdaşlıq etməyi, yaxşı düşünməyi tövsiyə edirəm. Seçkilər zamanı rəqabətli davranışların dostluq normalarına çevrilməsi, hər kəsin ölkənin maddi və mənəvi rifahı üçün əlindən gələni əsirgəməməsi məqsədəuyğundur.

Mən də seçilmiş prezident Məsud Pezeşkiana tövsiyə edirəm ki, Rəhman Allaha təvəkküllə uzun və parlaq üfüqlər izləməyi, şəhid Rəisinin yolunun davamında ölkənin çoxsaylı imkanlarından biri olan insan resurslarından, xüsusən də gənc, inqilabçı, eyni zamanda dindar qaynaqlardan xalqın rahatlığı və ölkənin tərəqqisi üçün faydalansın”.

Becan.az