İran Almaniya vətəndaşını edam etdi - AB-dən sərt reaksiya

Avropa Birliyi İran hökumətinə qarşı daha ciddi və məqsədyönlü addımlar atacaq.

Bu barədə AB-nin İran əsilli Almaniya vətəndaşı Cəmşid Şarməhdin edam edilməsi ilə bağlı yaydığı bəyanatında deyilib.

Şarməhdin edamını "qorxulu hadisə" adlandıran AB bunun İranla Avropa Birliyi arasındakı münasibətlərə ciddi zərbə vuracağını bildirib.

Bəyanatda İranın Avropa vətəndaşlarını saxta ittihamlarla həbs edərək, onların azad edilməsi qarşılığında siyasi imtiyazlar almaq niyyətində olduğu vurğulanıb, Tehrandan buna son verməsi istənilib.

Qeyd edək ki, 68 yaşlı Almaniya vətəndaşı Cəmşid Şarməhdin edamından sonra Almaniya Tehrandakı səfirini geri çağırmışdı.(Axar.az)