Mart ayının 1-də Ağsu Rayon İcra Hakimiyyətinin başçısı Rövşən Bağırov rayonun hüquq-mühafizə orqanlarının rəhbərləri, idarə və təşkilat səlahiyyətliləri ilə birlikdə Bico kəndində növbəti səyyar görüş keçirib.Ölkə Prezidentinin müvafiq göstərişlərinə əsasən təşkil edilmiş görüşdə Bico kənd əhalisinin güzəranı ilə bağlı vacib müzakirələr aparılıb. Bir neçə saat davam edən görüşdə kəndlilərin həyati əhəmiyyətli ümumi və şəxsi problemləri özləri tərəfindən diqqətə çatdırılıb. Rayon rəhbəri Rövşən Bağırov bütün sadalanan məsələləri dinləyərək, şəxsən özü qeydlər aparıb və aidiyyatı üzrə yerindəcə göstərişlər verib. Həllinin araşdırılması zaman tələb edən və dövlət əhəmiyyətli olan problemlərinsə yaxın vaxtlarda uyğun qurumlara yönəldiləcəyi diqqətə çatdırılıb.
Qeyd edək ki, Ağsu rayon İH-nin başçısı təyin olunandan sonra Rövşən Bağırovun Bico kəndində, bu, ikinci səyyar görüşüdür.
Becan.az