“100 yaşımı qeyd edib, 5 il də rahat yaşamaq istəyirəm”

Dünən Azərbaycan Yazıçılar Birliyinin sədri, Xalq Yazıçısı Anarın 85 yaşı tamam olub.

Lent.az yazıçı Anarı ad günü münasibəti ilə təbrik edib və doğum günündə onun ürək sözlərini qeydə alıb.

Sayta danışan Xalq yazıçısı özünü yaxşı hiss etdiyini, yeni əsərlər üzərində işlədiyini bildirib:

“Bu il bir kitabımın çıxması gözlənilir. Adını deməyəcəm, çıxanda oxucularımız görəcəklər”.

“Anar bəy, mətbuata verdiyiniz bir açıqlamada özünüzə 105 il ömür arzulamısınız. Niyə məhz 105 il?” - sualına isə yazıçı maraqlı cavab verib:

“100 illik yubileyimi qeyd edib, 5 il də rahat yaşamaq istəyirəm”.

Yazıçı yubileyinin dövlət səviyyəsində qeyd olunmayacağını, doğum gününü ailəsi ilə qeyd edəcəyini də bildirib.

Becan.az: Sevimli yazıçını yubiley münasibətilə biz də təbrik edirik.