Samuxun yeni icra başçısı kimdir? - DOSYE
Cəmiyyət
19:05
25.10.2023
1 771
Xəbər verildiyi kimi, Prezident İlham Əliyevin Sərəncamı ilə Firdovsi Şahmirzə oğlu Əliyev Samux Rayon İcra Hakimiyyətinin başçısı təyin edilib.
Yeni təyin olunmuş başçı Firdovsi Əliyevlə bağlı məlumatları təqdim edirik:
O, 1961-ci il mayın 5-də Lerik rayonunun Mondigah kəndində anadan olub. 1983-cü ildə Azərbaycan Dövlət Pedaqoji Universitetinin coğrafiya-biologiya fakültəsini bitirib.
1988–1991-ci illərdə Azərbaycan Respublikası Elmlər Akademiyası Coğrafiya İnstitutunda aspirant olub.
1991–1993-cü illərdə AMEA Coğrafiya İnstitutunda kiçik elmi işçi, 1993–2000-ci illərdə AMEA Torpaq və Aqrokimya İnstitutunda böyük elmi işçi vəzifəsində çalışıb.
1994-cü ildən kənd təsərrüfatı elmləri namizədidir. Yeni Azərbaycan Partiyası Siyasi Şurasının üzvüdür.
2000-ci ildə Bakı Dövlət Universitetinin hüquq fakültəsini bitirib. 1995–2000-ci illərdə Azərbaycan Respublikası Milli Məclisinin deputatı olub.
2002-ci ildə Azərbaycan Respublikasının Ekologiya və Təbii Sərvətlər Nazirliyində Ekoloji Siyasət İdarəsinin rəisi və 2003-cü ildə Nazirliyin Ekspertiza İdarəsinin rəisi işləyib.
2004-cü ildən Azərbaycan Respublikası ekologiya və təbii sərvətlər nazirinin müavini vəzifəsində çalışıb.
2021-ci ildə Azərbaycanda ətraf mühitin və təbii sərvətlərin qorunmasında xidmətlərinə görə 2-ci dərəcəli "Vətənə xidmətə görə" ordeni ilə təltif olunub.
Prezident İlham Əliyevin 2023-cü il martın 4-də imzaladığı sərəncamı ilə ekologiya və təbii sərvətlər nazirinin müavini vəzifəsindən azad edilib.
Daha sonra ekologiya və təbii sərvətlər naziri Muxtar Babayevin müşaviri təyin edilmişdi.
Rus və alman dillərini bilir. Ailəlidir, iki övladı var.
Becan.az
Oxşar xəbərlər
{sape_links}