U S T A D N A M Ə
Ədəbiyyat
20:24
18.01.2023
1 602
Şahlar GÖYTÜRK
"Gərək"
Abrıma qısılıb susuram hələ,
Deyirəm adamda üz olsun gərək.
Gözü görməyənə kor demə, lələ,
Haqqı görmək üçün göz olsun gərək.
Haqqı unutmaya, sala yadına,
Xələl gətirməyə təmiz adına,
Dürüstlük hər yerdə çata dadına,
Düzdə qalmayasan, düz olsun gərək.
Saf-çürük edəsən hər sözü bir-bir,
Görəsən çoxundan gözün su içmir,
Meymun olan yerdə söz işə keçmir,
Dərdini deməyə saz olsun gərək.
Heyif ki, çoxalıb fitnəyə meyil,
İşimiz düyünə düşüb elə bil.
Cahili qandırmaq asan iş deyil,
Hər gün bizləyəsən, biz olsun gərək.
Sevgi bəsləyəsən, nifrət olmaya,
Yaxşılıq axırda minnət olmaya,
Şahlar, dedi-qodu, qeybət olmaya,
Deyəsən, güləsən, söz olsun gərək.
Oxşar xəbərlər
{sape_links}