Elçin Əfəndiyevin səhhəti normallaşır

Xalq yazıçısı Elçin Əfəndiyev bir neçə gün əvvəl əməliyyat edilib.

Katibinin KİV-ə verdiyi məlumata əsasən, Elçin Əfəndiyev hələ də xəstəxanadadır.

"İstanbuldadır, vəziyyəti yaxşıdır, hər şey bərpa olunur. Elə də ağır əməliyyat deyildi. Təhlükəli bir şey yoxdur.

Daxili bir problemlə bağlı əməliyyat idi. Hər şey qaydasındadır", - deyə, açıqlamada bildirilir.

Elçin Əfəndiyevin Azərbaycana nə zaman qayıdacağısa hələlik məlum deyil.

Qeyd edək ki, Elçin Əfəndiyev yazıçı İlyas Əfəndiyevin oğludur. O, 1993–2018-ci illərdə Azərbaycan Respublikası Baş nazirinin müavini vəzifəsində çalışıb.

Becan.az