Əgər saxtakarlıq olmasa... - İranda sabah prezident seçkisidir
Dünya
13:36
27.06.2024
742
Sabah İranda prezident seçkiləri keçiriləcək. Prezidentliyə 6 namizəddən 1-i, parlament sədrinin keçmiş müavini Səyid Əmir Hüseyin Qazizadə Haşimi seçkilərdən geri çəkildiyini bəyan edib. Bununla da sabah keçiriləcək prezident seçkilərinə 5 namizəd qatılacaq.
Onlar prokuror və keçmiş ədliyyə naziri Mustafa Purməhəmmədi, parlamentin deputatı, keçmiş səhiyyə naziri Məsud Pəzəşkian, Tehran meri Əlirza Zakani, İran ali rəhbərinin Təhlükəsizlik Şurasının nümayəndəsi Səid Cəlili və parlamentin hazırkı sədri Məhəmməd Baqir Qalibafdır.
Politoloq Qabil Hüseynli açıqlamasında İranda keçiriləcək prezident seçkilərində namizədlər arasında Məsud Pezeşkianın qalib gəlmə ehtimalının çox olduğunu bildirib:
“Bu seçkilərdə azərbaycanlı namizəd Məsud Pezeşkian bir çox üstünlüklərə malikdir. Gözəl cərrahdır, həkimdir, ölkənin problemlərini bilir, səhiyyə naziri işləyib, sözün həqiqi mənasında müasir reformatordur. O, İranı dəyişə bilər. Ən başlıcası odur ki, 40 milyonluq Azərbaycan xalqı, qeyri-fars millətlərinin hamısı bu şəxsə səs verə bilər, amma gərək saxtalaşdırma olmaya. Yəni normal seçkilər keçirilsə, saxtalaşdırma olmasa, azərbaycanlı ölkənin prezidenti olacaq”.
Becan.az
Oxşar xəbərlər
