Ukraynada müharibə payızda başa çata bilər

"Rusiyanın Xüsusi Hərbi Əməliyyatı bu ilin sonunda başa çata bilər. Ukrayna tərəfinin bundan xəbəri var".

"Bakupost" "MK"-ya istinadla xəbər verir ki, bunu Rusiya Silahlı Qüvvələrinin Baş Hərbi-Siyasi İdarəsinin rəis müavini, “Axmat” xüsusi təyinatlı qüvvələrinin komandanı Aptı Alaudinov bildirib.

"Biz bu il Xüsusi Hərbi Əməliyyatı başa çatdıracağıq. Mən tam əminəm ki, payizda əməliyyatlar başa çatacaq", - Alaudinov deyib.

O, əlavə edib ki, bu barədə 2022-ci, 2023-cü və 2024-cü ildə danışıb.

Alaudinovun sözlərinə görə, Kiyev hərbi əməliyyatların başa çatmaq üzrə olduğunu artıq başa düşür. Sözlərini əsaslandırmaq üçün o, Ukrayna prezidentinin həyat yoldaşı Yelena Zelenskayaya bahalı avtomobilin alınmasını misal çəkib.