Ərdoğanın Azərbaycan səfəri ləğv edildi

Türkiyə Prezidenti Rəcəb Tayyib Ərdoğanın iyul ayının 6-da Azərbaycana planlaşdırılan səfəri ləğv edilib.

Bu barədə “Haber7.com” saytı məlumat yayıb.

Bildirilib ki, buna səbəb Ərdoğanın Avro-2024 çərçivəsində Türkiyə-Niderland oyununu izləmək üçün Almaniyaya səfər proqramı olub.

Qeyd edilib ki, Avstriya ilə oyundan sonra M.Demiral "Bozqurd" işarəsi göstərib və bundan sonra UEFA müdafiəçi ilə bağlı araşdırma başladıb.

Türkiyə liderinin də milli komandaya dəstək vermək üçün Almaniyaya getməyə qərar verdiyi vurğulanıb.

Xatırladaq ki, Ərdoğan daha əvvəl Türk Dövlətləri Təşkilatının Şuşada keçiriləcək qeyri-rəsmi sammitində iştirak etmək üçün 6 iyulda Azərbaycana gəlməyi planlaşdırırdı.

Becan.az