Şəhid atası deputatlığa namizəd oldu - FOTO

İkinci Qarabağ müharibəsi şəhidi, Xüsusi Təyinatlıların kəşfiyyatçısı Amal Qarayevin atası Ədalət Qarayev deputatlığa namizədliyini irəli sürüb.

Məlumata görə, o, seçkilərə Yardımlıdan qatılacaq.

Şəhid atası artıq sənədlərini dairə seçki komissiyasına təqdim edib.

Qeyd edək ki, Amal Qarayev 2001-ci il yanvarın 23-də Yardımlı rayonunun Ərus kəndində anadan olub. Cəbrayılın və Füzulinin azadlığı uğrunda gedən döyüşlərdə iştirak edən Amal oktyabrın 4-də Füzuli döyüşləri zamanı şəhid olub.

Prezident İlham Əliyevin Sərəncamına əsasən, ölümündən sonra "Vətən uğrunda", "İgidliyə görə", "Cəbrayılın azad olunmasına görə", "Füzulinin azad olunmasına görə" və "Kəlbəcərin azad olunmasına görə" medalları ilə təltif edilib.(Bakupost.az)