Ərdoğanı "dövlət çevrilişində" ittiham edən qadın mükafat aldı

Prezident Rəcəb Tayyb Ərdoğanı və vətəndaşlarımızı təhqir edən bir şəxsin CHP sədri (Özgür Özal – red) tərəfindən rəsmi şəkildə qəbul edilməsi, alqışlanması və mükafatlandırılması qəbuledilməzdir.

Xəbər verilir ki, bunu Türkiyənin hakim Ədalət və İnkişaf Partiyasının (AKP) sözçüsü Ömər Çelik deyib.

“Siyasi partiya rəhbərləri nifrət və təhqiramiz çıxışların himayədarı ola bilməz. Nifrət nitqinə dəyər vermək tam şüursuzluqdur. Dövlətimizin qurucusu Mustafa Kamal Atatürkü, Prezident cənab Rəcəb Tayyib Ərdoğanı, müxtəlif siyasi partiyaları dəstəkləyən vətəndaşlarımızı təhqir etmək fikir azadlığı deyil”, - partiya sözçüsü bildirib.

Qeyd edək ki, Ö.Özəlin təltif etdiyi qadın Dilrüba Kayserilioğludur. O, bir müddət əvvəl seçkilərdə AKP-yə səs verənləri təhqir etmiş, Ərdoğanı isə “dövlət çevrilişində” ittiham etmişdi.

Əlavə edək ki, D.Kayserilioğlu Türkiyənin İzmir şəhərində verdiyi küçə müsahibəsində istifadə etdiyi ifadələrə görə 18 gün həbsdə saxlanılıb.

Becan.az