Rövşən Əsgərov beynəlxalq axtarışa verilib

Rusiyada azərbaycanlı jurnalist və "Nə? Harada? Nə zaman?" televiziya oyununun iştirakçısı Rövşən Əsgərov barəsində qiyabi həbs qərarı çıxarılıb.

Oxu.az xəbər verir ki, bu barədə Rusiya İstintaq Komitəsinin nasizmin reabilitasiyası və vətən tarixinin saxtalaşdırılması ilə bağlı cinayətlərin araşdırılması şöbəsinin rəhbəri Aleksandr Pastuxov Federasiya Şurasının iclasında bildirib.

Pastuxov qeyd edib ki, R.Əsgərov beynəlxalq axtarışa verilib.

Xatırladaq ki, R.Əsgərov Rusiya Ədliyyə Nazirliyi tərəfindən xarici agent kimi tanınıb və Rosfinmonitorinq tərəfindən terrorçu və ekstremistlər siyahısına daxil edilib.