Ağsu RİH-nin başçısı bir neçə vacib vətəndaş qəbulları keçirib

Ağsu Rayon İcra Hakimiyyətinin başçısı Rövşən Bağırov 03.02.2026-cı il tarixdə RİH başçısı Aparatında vətəndaşları qəbulu edib, həmçinin rayonun hüquq-mühafizə orqanlarının, əlaqədar idarə və təşkilat rəhbərlərinin iştirakı ilə 04.02.2026-cı il tarixdə Bico kəndində, 05.02.2026-cı il tarixdə Ərəbuşağı kəndində səyyar qəbullar keçirib.

Qəbullarda vətəndaşlar tərəfindən içməli və suvarma suyunun, internet və elektrik təchizatının yaxşılaşdırılması, suvarma kanallarının təmiri və lildən təmizlənməsi, Ağsu-Çaparlı-Göylər avtomobil yolunun və Ərəbuşağı kəndində daxili yolların təmiri, Bico kəndində daxili elektrik verilişi xəttlərinin kabelləşdirilməsi, Ərəbuşağı kəndinin yaxınlığında pay torpaq sahələrinə atılmış məişət tullantılarının toplanması və ərazidən uzaqlaşdırılması, iş və maddi yardım təminatı ilə bağlı xahiş və təkliflər səsləndirilib, həmçinin digər yerli əhəmiyyətli məsələlərin həllinə diqqət cəlb edilib.

Vətəndaşların müraciətlərinin bir qismi yerindəcə həll olunub, bəzilərinin həlli nəzarətə götürülüb və onların icrası ilə bağlı rayon icra hakimiyyəti başçısı tərəfindən aidiyyəti vəzifəli şəxslərə müvafiq tapşırıqlar verilib.


Becan.az