İki azərbaycanlı tələbədən hələ də xəbər yoxdur

Malatyada təhsil alan azərbaycanlı tələbələrdən hələ də xəbər yoxdur.

Samir Quliyev və Hümam İsmayıllının valideynləri bildiriblər ki, iki gündür əlaqə yaratmağa çalışsalar da, övladları ilə bağlı hər hansı bilgi ala bilmirlər. Onlar qeyd edirlər ki, rəsmi qurumlara da müraciət ediblər, müsbət cavab ala bilməyiblər. Samir və Hümam Malatyada İnönü Universitetində magistr pilləsi üzrə təhsil alırlar. İki yoldaş eyni mənzildə yaşayıblar. Onların dağıntılar altında qaldığı bildirilir.(Musavat.com)

Qeyd edək ki, Azərbaycanın Türkiyədəki səfiri Rəşad Məmmədov mediaya açıqlamasında "Malatyada bir binanın dağılması nəticəsində 4 tələbəmiz dağıntılar altında qalıb", - demişdi. O, bildirmişdi ki, günortaya yaxın həmin tələbələrin dağıntılar altından çıxarılması üçün qazıntı işləri aparılırdı. Lakin yandakı iki binanın uçması nəticəsində xilasetmə işləri dayandırıldı.

Səfir onu da qeyd etmişdi ki, başqa tələbələrin hamısı ilə, demək olar, əlaqə saxlanılıb, bir nəfər istisna olmaqla, başqa pis xəbər yoxdur.

Becan.az