Azərbaycanın Laçın dəhlizi ilə bağlı tələbi əsaslıdır

Amerikalı ekspert Azərbaycanın mövqeyini başa düşdüyünü bildirib

Azərbaycan tərəfi Ruben Vardanyanın Qarabağa gəlişini Kremlin layihəsi və milyarderin özünü isə Putinin adamı hesab edir.
Bu fikirləri Amerikanın Karnegi Fondunun aparıcı analitiki, Qarabağ problemi üzrə nüfuzlu ekspert Tomas de Vaal “Azadlıq” radiosunun erməni xidmətinə müsahibəsində bildirib.
“Mən özüm belə düşünmürəm, amma razıyam ki, Vardanyanın Qarabağa gəlişi danışıqlar prosesini xeyli çətinləşdirib”, - deyə, ekspert bildirib.
De Vaal hesab edir ki, Azərbaycan tərəfinin bəyanatları tam əsaslıdır:
"Əvvəllər minaların, silahların və üçüncü ölkə vətəndaşlarının daşınması üçün istifadə edilən Laçın yolu ilə bağlı, - hərəkətin şəffaflığının təmin edilməsi baxımından, - Bakının çox praqmatik mövqeyi var. Hesab edirəm ki, Azərbaycanı müəyyən mənada başa düşmək olar, baxmayaraq ki, bu, yolu bağlamaq üçün əsas deyil."
"Düşünürəm ki, "Laçın dəhlizindən kimlər və nələr keçə bilər?” - istiqamətində danışıqlar düzgün aparılarsa, problemin həllinə istiqamətlənmək olar" - deyə, De Vaal qeyd edib.

BECAN.AZ