Ermənilər İsveç - Azərbaycan oyununda təxribatlara hazırlaşır

Avropada yaşayan ermənilər AÇ-2024-ün seçmə mərhələsi çərçivəsində keçiriləcək İsveç və Azərbaycan milli komandaları arasındakı qarşılaşmada təxribatlar törətməyə hazırlaşır.

Bu barədə İsveç mətbuatı xəbər yayıb.

Məlumatda qeyd olunur ki, “Artsax Azadlıq Təşkilatı” adlı qondarma birliyi idarə edən şəxslər “Facebook” və digər sosial şəbəkə platformaları üzərindən çağırışlar edirlər.

“Biz, ən azı 100 nəfər olmalıyıq” şüarı ilə paylaşılan postlarda qeyd olunur ki, məqsəd oyundan əvvəl və matç zamanı stadionda siyasi etirazlar təşkil etmək, Azərbaycana qarşı müxtəlif siyasi şüarlar səsləndirmək olacaq.

Xatırladaq ki, futbol üzrə İsveç və Azərbaycan milli komandaları arasında görüş martın 27-də “Friends Arena”da keçiriləcək. Qarşılaşma Bakı vaxtı ilə saat 22:45-də başlayacaq.(Oxu.az, Bulletin.nu)