Azərbaycan quru sərhədlərini açmağa hazırlaşır

Azərbaycanın Gürcüstan və Türkiyə ilə quru sərhədlərinin mayın 1-dən açılacağı iddia edilir.

Etibarlı mənbənin Globalinfo.az-a verdiyi məlumata görə, mayın 1-dən etibarən bu iki ölkə ilə quru sərhədlərin açılması gözlənilir.

Ekspertlər hesab edirlər ki, bu addım yay mövsümünün gəlməsi ilə əlaqədar atılır. Belə ki, yüksək qiymətə satılan aviabiletlər hər kəsə əlçatan olmadığı üçün belə bir qərarın verilməsi gözlənilir.

Məlumatın hələ rəsmən təsdiqlənmədiyi qeyd edilsə də, artıq bu barədə müvafiq işlərə başlanıldığı deyilir.

Xatırladaq ki, bir qədər əvvəl Gürcüstan mediasının ölkə rəhbərliyindəki mənbəsinə istinadən verdiyi xəbərdə də Azərbaycanla sərhədlərin mayın 1-dən açılacağı yazılmışdı.