"Hacıbala müəllimin vicdanı olsa... villalarını uşaqlara bağışlayar" - FOTO
Cəmiyyət
21:39
8.04.2023
601
“Milli Məclisin dünənki plenar iclasında Suraxanı rayon ərazisinin 4 nəfər tərəfindən zəbt olunması barədə seçicilərimin etdikləri kollektiv müraciətlər əsasında çıxış etdim”.
Becan.az xəbər verir ki, bunu millət vəkili Etibar Əliyev deyib. Deputat qeyd edib ki, həmin şəxslərdən biri də 5 il Suraxanı rayonunun icra başçısı işləmiş Hacıbala Abutalıbovdur:
“Özünü mütrüf kimi göstərən bu şəxsin illərlə bağlı qalan 2-cə villasına diqqət edin. Bunlardan biri Qaraçuxur qəsəbəsinin Rafiq Alıcanov küçəsində, digəri Şərq yaşayış massivində yerləşir.
Görün, nə qədər ərazini zəbt edib. Seçildiyim Qaraçuxur və Yeni Günəşlidə uşaq bağçası, eyni zamanda, xüsusi qayğıya ehtiyacı olan uşaqlar üçün internat evinə ciddi ehtiyac var. Körpə balaları qarlı-yağışlı günlərdə başqa ərazilərdəki baxçalara və internatlara aparırlar.
Əgər Hacıbala müəllimin vicdanı olsa, qapısını açmadığı, ona məxsus bu əzəmətli villaları uşaqların ixtiyarına versə, Allaha da xoş gedər. Əks təqdirdə, hökumətin bu işə qarışması vacibdir. Çünki adını çəkdiyim digər 3 şəxs və Hacıbala Abutalıbov vəzifə səlahiyyətlərindən sui-istifadə edərək, Suraxanı rayonundakı hektarlarla ərazini qanunsuz zəbt ediblər. Bu, mənə edilən müraciətlərdə göstərilən yalnız 2 villadır”.
Oxşar xəbərlər
