Azərbaycan kökənli siyasətçinin ailəsi haqqında...

Məlum olduğu kimi, Sinan Oğan Türkiyədə keçirilən prezident seçkilərində 5 fazidən artıq səs toplayaraq, seçki üçüncüsü olub.

Məşhurlaşmış siyasətçi soydaşımızın və ailəsinin haqqında bəzi məlumatları təqdim etmək qərarına gəldik.

1966-cu ildə Türkiyənin İğdır vilayətində doğulan Sinan Oğan Azərbaycan əsilli Türkiyə siyasətçisidir. O, strateji tədqiqatçıdır. Keçmiş MHP üzvü olub, hazırda Türkiyə Strateji Araşdırmalar Mərkəzinin rəhbəridir. 2023-cü ilin may ayında Türkiyədə keçirilən prezident seçkilərində ATA İttifaqının vahid namizədi olub.

ATA İttifaqının namizədi Sinan Oğan 14 may seçkilərində əsas fiqurlardan biridir. Hamı ikinci turu həyəcanla gözlədiyi bir vaxtda, siyasətdən bir qədər uzaqlaşaraq, Sinan Oğanın həyat yoldaşı Gökçen Oğan və övladları haqqında bəzi məlumatlar əldə edə bildik.

Gökçen Oğan Ankaralı bir ailənin qızıdır. İbtidai, orta və lisey təhsilini Ankarada başa vuran Gökçen Qazi Universitetinin Beynəlxalq Əlaqələr fakültəsini bitirib. Universitetdən sonra "Şanxay əməkdaşlıq təşkilatı və regional əməkdaşlıq təşəbbüsləri” adlı dissertasiya işi ilə magistr dərəcəsini tamamlayıb. Təhsilini başa vurduqdan sonra Avrasiya Strateji Araşdırmalar Mərkəzində (ASAM) işləməyə başlayıb. Bir çox araşdırma mərkəzinin Avrasiya məsləhətçisi olan Gökçen Oğanın "Şanxay Əməkdaşlıq Təşkilatı” adlı kitabı da var işıq üzü görüb.

Oğan cütlüyünün Zeynep və Göktürk adlı iki övladı da var.

Qeyd edək ki, Sinan Oğan və Gökçen Oğanın sevgisi seçkidən sonra sosial şəbəkə istifadəçiləri tərəfindən diqqət mərkəzinə gəlib və onların münasibətləri haqqında xoş fikirlər paylaşılır.

Becan.az