Ərdoğandan xalqa çağırış

"Mayın 28-də seçki qutularını boş buraxmayın"!

Bunu Türkiyə Prezidenti Rəcəb Tayyib Ərdoğan Ankarada çıxışı zamanı deyib.

"Seçki qutusunu boş qoysaq, kimsə gəlib onu dolduracaq. Bizim ən böyük düşmənimiz qələbə eyforiyasıdır", - deyə, "Cümhur ittifaqı"nın prezidentliyə namizədi tərəfdarlarına çağırış edib.

"Biz birləşəcəyik, imperialistlərin oyununu pozmaq üçün qardaş olacağıq. Sözümüz" təkpartiyalı faşizmin qalıqlarını, ipin bir ucunu terror təşkilatlarının, bir ucunu isə qlobalistlərin əlinə verənlərin ikiüzlülüyünə son qoy" deyənlərədir. Bizim vədimiz millətimizədir. Siyasi həyatımızın hər dövründə olduğu kimi, bu gün də sözümüz millətimizədir”, - Ərdoğan əlavə edib.

Qeyd edək ki, mayın 28-də keçiriləcək ikinci turda Ərdoğan və Kılıçdaroğlu yarışacaq. Qalib sadə səs çoxluğu ilə müəyyənləşəcək.

Becan.az