Elçibəyin 85 illiyi münasibəti ilə şahmat turnirinə start verildi - FOTO

Bu gün Milli Azadlıq Hərəkatının lideri, eks-prezident Əbülfəz Elçibəyin 85 illiyi münasibəti ilə Bakı şəhərində gənclər arasında şahmat turnirinə start verilib.

Xəbər verilir ki, tədbirin təşəbbüskarı və təşkilatçısı Milli Hərəkatçılar Birliyidir (MHB).

Turniri MHB rəhbəri Arif Acaloğlu qısa giriş nitqi ilə açıq elan edib.

Yarış iştirakçılarına uğur arzulayan MHB başçısı gənc nəsildə və uşaqlarda olan Elçibəy sevgisinin təqdirəlayiq olduğunu bildirib.
O, turnirə yüksək maraq və diqqətdən məmnuniyyətini ifadə edib.

Daha sonra yarış başlanıb.

Turnirin sonunda final mərhələsinə çıxan 16 gənc şahmatçıya diplomlar təqdim edilib.

Qeyd edilib ki, əsas yerlərin sahibləri 24 iyun saat 15:00-da “Xudafərin Şadlıq Saryı”nda keçiriləcək.

Onlar “Əbülfəz Elçibəy-85” tədbirində mükafatlandırılacaq və tutduqları yerlərə uyğun medallarla təltif ediləcəklər.

Becan.az