Məmurların məruzə etmədikləri məsələlər barədə Prezident sosial şəbəkələrdən xəbər tutur
Siyasət
12:24
22.07.2023
483
Azərbaycan Prezidenti İlham Əliyev sosial şəbəkələrdən istifadə edir.
"Ölkəmizin həyatı ilə bağlı bir çox mühüm məsələləri sosial mediadan öyrənirəm. Media ilə təmaslarımda həmişə deyirdim ki, siz mənim gündəlik işimdə mənə yardımçı olursunuz", - Prezident İlham Əliyev bunu iyulun 21-də "4-cü Sənaye inqilabı dövründə yeni media" mövzusunda Şuşa Qlobal Media Forumunda çıxışı zamanı deyib.
"Fəaliyyətin miqyası o qədər böyükdür ki, bəzən bir də görürsünüz, cəmiyyətin nəbzini müəyyən qədər hiss etməmək olur. Çünki cəmiyyətin nəbzini hər zaman hiss etmək lazımdır. Mən ölkədə səyahət edirəm, insanlarla görüşürəm və təbii ki, sosial mediadan istifadə edirəm. Azərbaycanda baş verən bir çox hadisələr və mənə məruzə edilməmiş bəzi hadisələr, istər bürokratik maneələr və ya bilərəkdən mənə məruzə edilməyən müəyyən məsələlər olub və ya mən digər məsələlərlə məşğul olmuşam, hətta mənim nəvələrim mənə müəyyən məlumatları verirlər. Övladlarım sosial mediada gördüklərini mənə deyirlər və mən özüm də sosial medianı izləyirəm. O, mənə çox yardımçı olur”, - dövlət başçısı vurğulayıb.
Becan.az
Oxşar xəbərlər
