Rusiya 16 qəsəbəni bombardman edib: - FOTO

Rusiya işğalçıları ötən sutka ərzində Ukraynanın Donetsk vilayətinin 16 yaşayış məntəqəsini atəşə tutub, ölənlər var.

Bakupost.az UNİAN-a istinadla xəbər verir ki, Ukrayna Daxili İşlər Nazirliyi rusların yaşayış məntəqələrini "Qrad", "Uraqan", "Smerç", "Tornado-S" qurğuları, həmçinin təyyarələrdən atəşə tutduğunu açıqlayıb:

"Həmin ərazilərdə 12 yaşayış binası, mağazalar, yardımçı tikililər, zavod və elektrik xətləri sıradan çıxıb".

Nikolaevka şəhərində iki nəfər yüngül, Zareçnıda isə iki nəfər ölümcül xəsarət alıb. Çasovoy Yarın atəşə tutulması nəticəsində 1 nəfər ölüb. Kuraxovkada da yaralananlar var.