Moskva Azərbaycanın Ukrayna siyasətinə etiraz etdi

Rusiya Xarici İşlər Nazirliyinin rəsmi nümayəndəsi Mariya Zaxarova Azərbaycan Xarici İşlər Nazirliyinin işğal olunan Ukrayna ərazilərində keçirilən seçkilərlə bağlı şərhinə görə Bakıya demarş edib.

Rusiya KİV xəbər verir ki, Zaxarova Azərbaycan XİN-in bəyanatnın "qəbuledilməz" olduğunu və "müttəfiqlik münasibətlərinin xarakterinə uyğun gəlmədiyini" bildirib.

Qeyd edək ki, Ukraynanın bir sıra ərazilərində keçirilmiş qondarma “seçkilərə” dair Azərbaycan Xarici İşlər Nazirliyinin sentyabrın 9-da yaydığı bəyanatda bildirilib ki, Azərbaycan və Ukrayna bir-birinin suverenliyini və ərazi bütövlüyünü tanıyır və dəstəkləyir:

"Bundan irəli gələrək, Azərbaycan Ukrayna ərazisində bu dövlətin Konstitusiyasına və qanunvericiliyinə uyğun şəkildə keçirilən istənilən seçkinin legitim ola biləcəyini bəyan edir.

Azərbaycanın bu prinsipial mövqeyi beynəlxalq hüququn dövlətlərin suverenliyinə aid olan hüquqlara hörmətlə bağlı universal şəkildə tanınmış norma və prinsiplərinə əsaslanır.

Bu meyarlara cavab vermədiyi üçün, Ukraynanın beynəlxalq səviyyədə tanınmış ərazilərinin bir hissəsində keçirilən son "seçkilərin, ümumiyyətlə, heç bir qanuni qüvvəsi yoxdur".

Becan.az